Taragak Jo Kampuang

Assalammu'alaikum Warahmatullahi Wabarakaatuh

Dek mancaliak tulisan nan partamo ko. Mungkin urang nan indak mangarati, ka mangeleng-gelengkan kapalonyo. Aa ko nan di tulis dek blogger ko.... tasapo dima lo nyo....

Antahlah tasarah dek nan mambaco sajolah. Iko dek karano bosan mungkin. Lah lamo ndak basuo jo urang sakampuang, jo mandan nan sapadudua'an. Jo kawan nan dapek baiyo sakato. Nan sabaun kalau bahaso remannyo. (ha ha ha). Lai reman juo blogger ko mah. Ko mangecek taragak jo kampuang sabana taragak koa. Jo mande apolai. Lah tabayang bantuak muko rumah tu. Cuman nan kini ko dapek dek mande, awak ko yo ndak pulang jo badan diri sajo. Kalau bisa yo ado kawannyo. Itu nan kecek mande. Tapi itulah, lah sabalik nagari kito mancari alun juo basobok lai do. Lai basobok nan kandak diri, tapi yo ndak sasuai jo kandak hati. Tu baa juo lai....

Lah sabana padiah maraso kalau malam lah tibo... kalau pangana sadang samak, ko hati nan sadang sasak... iyo ndak ado paubeknyo. Lah bado'a puo badan diri ko siang jo malam ko lai dapek basobok jo kawan nan ka dibaok pulang. Lah bacubo pulo diadu dek kawan sampai kini alun juo mancatuih lai... ha....

Kawan sairiang lah malatuih ciek jo duo paruik rang rumahnyo. Badan diri baa ?

Yo jo nan Kuaso sajo kito madok...ndak ado lai do kaubeknyo...

Mancogoklah nan adiak kanduang....